पुणे : एका मोठ्या शेअर ट्रेडिंग कंपनीचा एजंट असल्याची बतावणी करून सायबर चोरट्यांनी तरुणाची २५ लाख ८९ हजार रुपयांची ऑनलाइन फसवणूक केली. ही घटना १ ते २८ एप्रिल कालावधीत बाणेरमध्ये घडली. याप्रकरणी एका ४० वर्षीय गुंतवणूकदाराने बाणेर पोलीस ठाण्यात फिर्याद दिली आहे.
त्यांनी दिलेल्या फिर्यादीनुसार, अज्ञात मोबाइलधारकाविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, तक्रारदार बाणेरमध्ये राहायला असून, १ एप्रिल २०२५ रोजी सायबर चोरट्यांनी त्यांना संपर्क केला. एका मोठ्या शेअर ट्रेडिंग कंपनीचा एजंट असल्याची बतावणी केली. शेअर बाजारामध्ये गुंतवणूक केल्यास चांगला परतावा मिळेल, असे आमिष त्याने तक्रारदाराला दाखविले. त्यानुसार तक्रारदाराने गुंतवणूक करण्यास सुरुवात केली.
