- तरुणांचा उत्स्फूर्त सहभाग, महिलांचा वाढता विश्वास—मशालकडे मतदारांचा ओढा
वाकड | प्रतिनिधी
वाकड, पुनावळे, ताथवडे परिसरात शिवसेना (उद्धव बाळासाहेब ठाकरे) पक्षाच्या प्रचाराने अक्षरशः रणधुमाळी उडाली असून प्रभाग क्रमांक २५ मध्ये मशाल चिन्हाचा लखलखता प्रभाव ठळकपणे जाणवत आहे. या संपूर्ण प्रचार मोहिमेचे नेतृत्व करत असलेले चेतन पवार यांनी आक्रमक, नियोजनबद्ध आणि लोकाभिमुख प्रचाराच्या जोरावर निवडणुकीचा रोखच बदलून टाकला आहे.
घराघरांत थेट संपर्क, गल्लोगल्ली बैठका, कोपऱ्या-कोपऱ्यावर जाहीर संवाद, तरुणांशी थेट संवाद आणि ज्येष्ठ नागरिकांशी आपुलकीची चर्चा—या सर्व माध्यमांतून चेतन पवार यांनी “काम बोलतं” ही भूमिका ठासून मांडली आहे. त्यांच्या प्रत्येक प्रचार फेरीला नागरिकांचा वाढता प्रतिसाद मिळत असून, “मशाल म्हणजे विश्वास” अशी भावना मतदारांमध्ये दृढ होत चालली आहे.
चेतन पवार यांच्यासोबत सागर ओव्हाळ यांनीही प्रचारात आक्रमक शैली स्वीकारत वातावरण तापवले आहे. दोघांच्या जोडीने प्रभागातील दुर्लक्षित प्रश्न, रखडलेली विकासकामे, पाणीपुरवठा, रस्ते, ड्रेनेज, स्वच्छता, महिला सुरक्षेचे मुद्दे आणि तरुणांसाठी संधी यावर थेट बोट ठेवत प्रतिस्पर्ध्यांची कोंडी केली आहे. “फक्त आश्वासन नव्हे, तर ठोस कृती” हा प्रचाराचा गाभा ठरतो आहे.
प्रचार रॅलींमध्ये उसळणारी गर्दी, मशाल चिन्हाचे झेंडे, घोषणांनी दणाणलेला परिसर आणि उत्स्फूर्त सहभाग यामुळे शिवसेना (उद्धव बाळासाहेब ठाकरे) पक्षाची ताकद प्रभाग २५ मध्ये स्पष्टपणे दिसून येत आहे. विशेषतः तरुण वर्ग आणि महिलांमध्ये चेतन पवार यांच्या नेतृत्वावर मोठा विश्वास व्यक्त केला जात आहे.
स्थानिक नागरिकांचे म्हणणे आहे की, चेतन पवार यांनी केवळ निवडणूकपुरता प्रचार न करता, भविष्यातील विकासाचा स्पष्ट आराखडा मांडला आहे. “नेतृत्व, कामाचा अनुभव आणि जनतेशी थेट नातं” या त्रिसूत्रीमुळेच प्रतिस्पर्ध्यांची झोप उडाली असल्याची चर्चा राजकीय वर्तुळात रंगू लागली आहे. एकूणच, प्रभाग क्रमांक २५ मध्ये चेतन पवार आणि सागर ओव्हाळ यांच्या आक्रमक प्रचारामुळे शिवसेना (उद्धव बाळासाहेब ठाकरे) पक्षाची मशाल अधिक तेजाने पेटली असून, निवडणुकीचा गुलाल नक्कीच शिवसेनेचाच असेल अशी भावना व्यक्त केली.
