मुंबई : महानगर गॅसने सीएनजी आणि पीएनजीच्या दरात कपात करण्याचा निर्णय घेतला आहे. सीएनजी प्रति किलो ६ रुपये, तर पीएनजीच्या दरात ४ रुपयांची घट झाली आहे. त्यामुळे इंधन दरवाढीने त्रस्त झालेल्या सर्वसामांन्यांना काही प्रमाणात दिलासा मिळाला आहे.
महानगर गॅसने दिलेल्या माहितीनुसार, सीएनजी प्रति किलो ६ रुपये, तर पीएनजीच्या दरात ४ रुपयांची घट करण्यात आली आहे. हे नवे दर १७ ऑगस्टपासून लागू होणार आहे. हा निर्णय मुंबई आणि आसपासच्या परिसरात लागू होणार आहे. त्यामुळे मुंबईत आता सीएनजी ८० रुपये, तर पीएनजी ४८ रुपये ५० पैसे असणार आहे.
