मुंबई – दुसऱ्या तिमाहीत बँक ऑफ महाराष्ट्रने सार्वजनिक क्षेत्रातील सर्व बँकांमध्ये कर्ज व्यवहाराच्या वाढीच्या टक्केवारीत अव्वल क्रमांक मिळविला. बँक ऑफ महाराष्ट्रने दुसऱ्या तिमाहीत आपल्या कर्ज व्यवहारात २८.६२ % वाढ नोंदविली असून एकूण कर्ज व्यवसाय रु. १,४८,२१६ कोटी एवढा झाला आहे.
त्यानंतर युनियन बँक ऑफ इंडियाने २१.५४ टक्केवारीसह दुसरा क्रमांक पटकावला असून त्यांचा कर्ज व्यवहार रु ७५२४६९ कोटी एवढा झाला आहे. भारतीय स्टेट बँकेने कर्ज वाढीत १८.१५ % वाढ नोंदवून तिसरा क्रमांक पटकावला आहे. रिटेल शेती छोटे मध्यम व सूक्ष्म उपक्रमांना देण्याच्या कर्जात बँक ऑफ महाराष्ट्रने २२.३१ टक्के वाढ नोंदवली असून त्यानतर बँक ऑफ बडोदाने १९.५३ टक्के नोंदवून दुसरा व भारतीय स्टेट बँकेने १६.५१ टक्के वाढ नोंदवून तिसरा क्रमांक पटकावला आहे. चालू व बचत खात्यातील ठेवींमध्ये बँक ऑफ महाराष्ट्रने ५६.२७% वाढ नोंदवून प्रथम क्रमांक व सेंट्रल बँक ऑफ इंडियाने ५०.९९ % वाढ नोंदवून दुसरा क्रमांक पटकावला आहे.
बँक ऑफ महाराष्ट्र व भारतीय स्टेट बँकेचे ठोक अनुत्पादक कर्जे असण्याचे प्रमाण सर्वात कमी म्हणजे अनुक्रमे ३.४० % व ३.५२ % एवढी आहे. याच दोन्ही बँकांचे निव्वळ अनुत्पादक कर्जे असण्याचे प्रमाण सर्वात कमी म्हणजे अनुक्रमे ०.६८ % व ०.८०% एवढी आहे.
