कराड (पारस पवार) ; विजय दिवस समारोहात आज शोभा यात्रेने दिमाखात प्रारंभ झाला. शोभा यात्रेत लाहोटी कन्याप्रशाळेचा महिला सबलीकरणांतर्गत ‘ती’चा सन्मान, टिळक हायस्कुलचे स्वच्छ भारत मिशन, एसएमएस इंग्लिश मीडियम स्कूलचा पर्यावरण विषयक, शाहीन हायस्कूलचा भारतीय स्वयंसिध्दतेवर, पालिका शाळा क्र. १२ चा संविधान विषयक जनजागृती, कोटा ज्युनियर कॉलेजचा स्त्री भ्रूण हत्या, यशवंत हायस्कूलचा कारगील युध्दातील प्रसंग, कमला नेहरू ज्युनिअर कॉलेजचा महिला सबलीकरण, दि. का. पालकर माध्यमिक शाळा, डॉ. द. शी. एरम अपंग साहाय्य संस्थेचा जय जवान जय किसान हे चित्ररथ सहभागी झाले होते. भरत कदम यांनी सूत्रसंचालन केले.
सद्गुरू गाडगे महाराज महाविद्यालयाचे एनसीसी छात्र, आदर्श विद्यार्थी, आदर्श विद्यार्थीनी शोभायात्रेत सहभागी झाले होते. विजय दिवस चौकातून सुरू झालेली पदयात्रा उपजिल्हा रुग्णालय, कृष्णा नाका मार्गे कन्या शाळा, चावडी चौक, आझाद चौक, दत्त चौकमार्गे विजय दिवस चौकात आली. शोभा यात्रा पाहण्यासाठी नागरिकांनी गर्दी केली होती.
विजय दिवस चौकातील विजय स्तंभास अभिवादन केल्यानंतर शोभायात्रेस भाई गंगाराम गुजर ट्रस्टचे अध्यक्ष डॉ. अशोकराव गुजर, सहायक पोलीस निरीक्षक, गट शिक्षणाधिकारी सन्मती देशमाने, माजी नगराध्यक्षा श्रीमती शारदा जाधव, ज्येष्ठ नगरसेवक विनायक पावसकर, राष्ट्रवादीच्या सरचिटणीस संगीता साळुंखे यांच्या उपस्थितीत प्रारंभ झाला. यावेळी ज्येष्ठ चित्रकार दादासाहेब सुतार, विजय दिवस समितीचे विनायक विभुते, चंद्रकांत जाधव, सहसचीव विलासराव जाधव, अॅड. परवेझ सुतार, उद्योजक सलीम मुजावर, महालिंग मुंढेकर, सतीश बेडके, रत्नाकर शानभाग, प्रा. बी. एस. खोत, रमेश जाधव इत्यादी मान्यवर उपस्थित होते.
