पुणे : इयत्ता दहावी-बारावी विद्यार्थ्यांच्या परीक्षांचे वेळापत्रक बोर्डाने अंतिम केले असून बारावीची लेखी परीक्षा २१ फेब्रुवारी आणि दहावीची परीक्षा २ मार्चपासून सुरु होणार आहे. परीक्षा कॉपीमुक्त व्हावी, यासाठी राज्यातील नऊ हजार केंद्रांवर मोबाईल कॅमेऱ्यांचा (झूम कॅमेरे) वॉच असणार आहे. परीक्षा सुरु झाल्यापासून उत्तरपत्रिका संकलित करेपर्यंतचे परीक्षकांच्या मोबाईलमध्ये त्याचे शुटिंग केले जाणार आहे.
खासगी शाळा-महाविद्यालयांच्या अनेक तुकड्या पटसंख्येअभावी बंद कराव्या लागल्या आहेत. त्यामुळे अनेक शिक्षक अतिरिक्त झाले असून त्यांची पदे रद्द करावी लागली आहेत. भविष्यात आपल्या शाळा-महाविद्यालयांमधील पटसंख्या कमी होऊ नये म्हणून काही परीक्षा केंद्रांवर कॉपी पुरवल्या जातात, अशी वस्तुस्थिती आहे. त्यामुळे हुशार विद्यार्थ्यांवर अन्याय होतो. या पार्श्वभूमीवर परीक्षेतील गैरप्रकार थांबविण्यासाठी पहिल्यांदाच पुणे बोर्डाने नवतंत्रज्ञानाचा वापर करण्याचा निर्णय घेतला आहे. दहावीचे १७ लाख आणि बारावीचे १५ लाख विद्यार्थी परीक्षा देणार असून त्यासाठी नऊ हजार केंद्रे असणार आहेत.
सीसीटीव्ही कॅमेरे बसविण्याची बाब खर्चिक असल्याने सध्या परीक्षकांच्या मोबाईलवर झूम कॉल करून परीक्षा हॉलमधील तीन तासांचे शुटिंग केले जाणार आहे. दुसरीकडे बैठे पथक देखील केंद्राबाहेर असेल. भरारी पथक पण विविध परीक्षा केंद्रांना भेटी देईल, असे बोडाने नियोजन केले आहे. दरम्यान, नागरिकांकडून देखील त्यासंदर्भात सूचना, त्यांचे उपाय मागवले असून २६ जानेवारीपूर्वी त्यासंबंधीचा अंतिम निर्णय होईल, असे बोर्डाच्या वरिष्ठ अधिकाऱ्यांनी सांगितले.
प्रात्यक्षिक परीक्षेला बहिस्थ परीक्षकइयत्ता बारावीच्या विद्यार्थ्यांची प्रात्यक्षिक परीक्षा १ ते २० फेब्रुवारी या कालावधीत होणार आहे. तसेच दहावीच्या विद्यार्थ्यांची प्रात्यक्षिक, श्रेणी, तोंडी परीक्षा व अंतर्गत मूल्यमापन परीक्षा १० फेब्रुवारी ते १ मार्चपर्यंत पार पडेल. कोरोनामुळे मागील वर्षी बहिस्थ परीक्षकांशिवाय तोंडी तथा प्रात्यक्षिक परीक्षा पार पडली. पण, आता बहिस्थ परीक्ष वेगवेगळ्या शाळा-महाविद्यालयांमध्ये जावून प्रात्यक्षिक परीक्षा घेतील. त्याचे नियोजन पुणे बोर्डाने यापूर्वीच केले आहे.कॉपीमुक्त परीक्षेचे संभाव्य नियोजनशाळा-महाविद्यालयातील परीक्षा कॉपीमुक्त होण्याची जबाबदारी केंद्र संचालकांवरप्रश्नपत्रिका, उत्तरपत्रिका ने-आण करणारा ‘रनर’वर (शिक्षक) बैठे पथक म्हणून जबाबदारीपरीक्षा हॉलमधील प्रत्येक हालचालींवर असणार संबंधित परीक्षकाच्या मोबाईलचा वॉचकेंद्र संचालकांच्या मोबाईलवरून सर्व परीक्षकांना झूम कॉल; तीन तासांचे होणार शुटिंगप्रत्येक जिल्ह्याला सहा भरारी पथके; कॅमेऱ्यातील शुटिंग पडताळणीचा त्यांना अधिकार आहे.
