कोल्हापूर : दख्खनचा राजा श्री. जोतिबा देवाची आज बुधवारी चैत्र पौर्णिमा यात्रा जोतिबाच्या नावानं चांगभलं केदारनाथच्या नावाने चांगभले च्या गजरात उत्साहात पार पडली. जोतिबा डोंगरावर तीन लाखाहून अधिक भाविक दाखल झाले होते. चांगभलंच्या गजरात सासनकाठ्या दाखल होत आहेत.
चैत्र यात्रेचा उद्या मुख्य दिवस असल्याने जोतिबा मंदिरात पहाटे तीनपासून धार्मिक विधी सोहळ्यास प्रारंभ झाला होता. साय पाच वाजता महाभिषेक महापूजा, १० वाजता धुपारती सोहळा संपन्न झाला. सायंकाळी हस्तनक्षत्रावर ५.३० वाजता श्री. जोतिबाचा पालखी सोहळा गुलाल खोबऱ्याची उधळण करत निघाला. यात्रेत गुलाल-खोबरे, बंदी नाणी यांची पालखीवर होणारी उधळण करण्यात आली.
काल मिरवणुकीसाठी मानाच्या सासनकाठ्या जोतिबावर दाखल झाल्या आहेत. चांगभलंच्या गजराने अवघा डोंगर दुमदुमून गेला आहे. बैलगाडी, खाजगी वाहनातून, पायी चालत भाविकांनी डोंगर फुलला होता. पहिला मान निनाम पाडळी (जि.सातारा) या सासनकाठीचा असतो. मानाच्या १८ सासनकाठ्या सहभागी होतील. एकूण ९६ सासनकाठ्या सहभागी असतात. या मिरवणुकीमध्ये २० ते ८० फुटांच्या उंच सासनकाठ्या सहभागी असतात.
