राधाकृष्ण विखे-पाटलांच्या मुख्यमंत्रीपदाची चर्चा

आगामी निवडणुकीला सामोरे जाताना मराठा चेहरा असावा, असे भाजपला वाटत असल्याने आणि अन्य समीकरणेही जुळत असल्याने विखे पाटील यांच्या नावाचा विचार सुरू असल्याची चर्चा होती. महाराष्ट्रातील सत्ता संघर्षासंबंधी सर्वोच्च न्यायालयाचा निकाल अद्याप यायचा आहे. मात्र, तोपर्यंत अनेक राजकीय नवी समीकरणे चर्चेत आहेत. त्यापैकी एक म्हणजे भाजपचे सहकारातील ज्येष्ठ नेते तथा महसूल मंत्री राधाकृष्ण विखे पाटील मुख्यमंत्री होणार… सगळीकडे ही चर्चा जोरात सुरु असताना शिंदे गटातही ही चर्चा सुरु आहे. खुद्द शिवसेना नेते आणि मंत्री अब्दुल सत्तार यांनीही विखेंच्या मुख्यमंत्रिपदाची इच्छा बोलून दाखवली आहे.