भारतीय कामगार सेनेच्या ५५ व्या सर्वसाधारण सभेला उद्धव ठाकरे यांनी संबोधित केलं. यावेळी संघटनेच्या मुख्य सल्लागारपदी उद्धव ठाकरे यांची एकमताने निवड करण्यात आली तर अध्यक्ष म्हणून खासदार अरविंद सावंत यांची निवड करण्यात आली. भारतीय कामगार सेनेच्या कारकीर्दीत विविध नेत्यांनी दिलेल्या योगदानाचा उद्धव ठाकरे यांनी आढावा घेतला. यावेळी खास करुन अरविंद सावंत यांच्या पाठीवर उद्धव ठाकरे यांनी कौतुकाची थाप मारली. विविध विषयांवर मतं व्यक्त करताना प्रामुख्याने बारसूबद्दलचं ठाकरे गटाच्या मतांचं धुकं उद्धव ठाकरे यांनी हटवून रोखठोक भूमिका स्पष्ट केली.
