सोलापूर: नुकतेच तेलंगाणातील हैदराबाद येथे 52 वी हिंदकेसरी स्पर्धा झाली. यात सोलापूर जिल्ह्यातील मोहोळ येथील पैलवान समाधान पाटील याने हिंद केसरीची गदा पटकावली. हरियाणातील भोलू खत्री या अनुभवी आणि प्रसिद्ध पैलवानाला 6 विरुद्ध 12 गुणांनी पराभूत करत समाधानने विजय मिळवला. पैलवान समाधानच्या विजयाने सोलापूरच्या शिरपेचात मनाचा तुरा रोवला गेला आहे.
पैलवान समाधान पाटील हा सोलापूर जिल्ह्यातील शेतकरी कुटुंबातील आहे. मोहोळ तालुक्यातील नजीक पिंपरी गावात समाधानने कुस्तीचे धडे घेतले. सुरुवातीला गावात पैलवानकीला सुरुवात केली. तब्बल 20 वर्षांच्या अथक प्रयत्नानंतर यंदाची हिंदकेसरी गदा मोहोळ समाधानने पटकावली. यंदा हिंद केसरीची गदा महाराष्ट्रात जाते की दिल्लीकडे याची उत्सुकता सर्वांना होती. अखेर सलग दुसऱ्या वर्षी ही गदा महाराष्ट्रात आली.
