बदलापूरमधल्या शाळेने आरोपी कर्मचाऱ्याची माहिती तपासली नाही, सीसीटीव्हीही नाहीत

महाराष्ट्र राज्य बालहक्क समितीने काय म्हटलं आहे?

“बदलापूरच्या नामांकित शाळेत घडलेली ही घटना अत्यंत घृणास्पद आणि लज्जास्पद आहे. शाळेतील यंत्रणेचं हे अपयश आहे. शाळेत सीसीटीव्ही कॅमेरे लावण्यात आलेले नाहीत. शाळेने ही घटना उघड होऊ दिली नाही. तसंच पोलिसांनी या प्रकरणात FIR नोंदवण्यासाठी बारा तास लावले. त्यामुळे मुलींची वैद्यकीय चाचणी १० तास लांबली. तसंच रुग्णालयात या मुलींना स्तनदा मातांच्या कक्षात ठेवण्यात आलं होतं. त्यांना दाखल करुन घेण्यासही नकार देण्यात आला होता.” असं महाराष्ट्र राज्य बालहक्क समितीच्या अध्यक्षा सुसीबेन शाह यांनी इंडियन एक्स्प्रेसला सांगितलं.

शाळेत कॅमेरे नाहीत, स्वच्छता कर्मचारी महिला प्रसाधानगृहात जाऊ शकतात

सुशीबेन शाह म्हणाल्या, मी शाळेला भेट दिली, या ठिकाणी सीसीटीव्ही कॅमेरा नाहीत. तसंच सखी सावित्री समितीही नाही. पुरुष स्वच्छता कर्मचाऱ्यांना महिला प्रसाधनगृहात जाऊ दिलं जातं आहे. जो आरोपी आहे तो काँट्रॅक्टवर लागला होता. मात्र त्याची पार्श्वभूमी काय हे कुणीही जाणून घेतलं नाही. त्याचं क्रिमिनल रेकॉर्ड ( Badlapur sexual assault ) आहे का ते पाहिलं गेलं नाही.