मुंबई : महाविकास आघाडी व महायुतीचा जागावाटपाचा अंतिम फॉर्म्युला देखील निश्चित झालेला दिसत नाही. उमेदवार जाहीर करण्यात भाजपा व शिवसेनेने (ठाकरे) आघाडी घेतलेली दिसत आहे. शिवसेना उद्धव बाळासाहेब ठाकरे पक्षाने दोन दिवसांपूर्वी ६५ उमेदवार जाहीर केले होते. त्यानंतर आज (२६ ऑक्टोबर) सकाळी शिवसेनेचं (ठाकरे) मुखपत्र सामनातून त्यांनी १५ नवे उमेदवार जाहीर केले आहेत. त्यापाठोपाठ या पक्षाने काही वेळापूर्वी सामाजमाध्यमांद्वारे आणखी तीन उमेदवार जाहीर केले आहेत.

शिवसेनेने (ठाकरे) सकाळी धुळे शहर, चोपडा, जळगाव शहर, बुलढाणा, दिग्रस, हिंगोली, देवळाली, श्रीगोंदा, कणकवली, भायखळा, शिवडी, वडाळा, कल्याण पूर्व, कल्याण पश्चिम, देवळाली, परतूर या मतदारसंघांमधील उमेदवार जाहीर केले. तर आता मुंबईतील वर्सोवा, घाटकोपर पश्चिम व विलेपार्ले मतदारसंघातील उमेदवार जाहीर केले आहेत.

शिवसेनेने (ठाकरे) एक्सवर एक पोस्ट केली आहे. या पोस्टमध्ये म्हटलं आहे की शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांच्या आदेशाने महाराष्ट्र विधानसभा निवडणूक २०२४ करिता पक्षाचे आणखी तीन अधिकृत उमेदवारांची यादी जाहीर करण्यात आली आहे.

शिवसेनेच्या (ठाकरे) सर्व ८३ उमेदवारांची यादी