पुणे : व्यावसायिक पदवी आणि पदव्युत्तर पदवी अभ्यासक्रमांच्या प्रवेशासाठी घेतल्या जाणाऱ्या विविध सामाईक प्रवेश परीक्षांचे (सीईटी) सुधारित संभाव्य वेळापत्रक जाहीर करण्यात आले आहे. पूर्वी जाहीर केलेल्या संभाव्य वेळापत्रकापेक्षा काही परीक्षांच्या तारखा बदलण्यात आल्या आहेत.
राज्य सामाईक प्रवेश परीक्षा कक्षाने (सीईटी सेल) विविध सीईटींचे संभाव्य वेळापत्रक जाहीर केले होते. मात्र, सीबीएसईच्या बारावीच्या परीक्षा आणि सीईटी सेलतर्फे बीबीए, बीसीए, बीएमएस सीईटी, पाच वर्षे मुदतीच्या विधी अभ्यासक्रमाची सीईटी एकावेळी होणार असल्याचे समोर आले होते.
वेळापत्रकात बदल करण्याची मागणी विद्यार्थी, पालकांकडून करण्यात आली होती. त्याची दखल घेत सीईटी सेलकडूून घेण्यात आली आहे. वेळापत्रकात काही बदल करून सीईटी सेलने नव्याने वेळापत्रक जाहीर केले आहे. वेळापत्रक संकेतस्थळावर उपलब्ध करून देण्यात आले आहे.
पाच वर्षीय विधी सीईटीसाठी नोंदणी सुरू
सीईटी सेलने, विविध अभ्यासक्रमांच्या सीईटीची नोंदणी सुरू केली आहे. पाच वर्षीय विधी सीईटीची नोंदणीची प्रक्रिया सुरू करण्यात आली असून, अर्ज भरण्यासाठी २ फेब्रुवारीपर्यंत मुदत आहे.
