पुणे : राज्यात मान्सून दाखल झाला असल्याने काही भागात मुसळधार पाऊस पडत आहे. कोकण आणि मध्य महाराष्ट्रात पावसाची तीव्रता सर्वाधिक आहे. हवामान खात्याने कोल्हापूर आणि सातारा घाटांसाठी ऑरेंज अलर्ट जारी केला आहे, कारण पुढील २४ तास संपूर्ण पश्चिम महाराष्ट्रात सोसाट्याच्या वाऱ्यांसह मुसळधार पाऊस पडण्याची शक्यता आहे.
पुणे जिल्ह्यातील विविध ठिकाणी मध्यम स्वरूपाचा पाऊस पडत आहे. हवामान खात्याने पुढील २४ तासांत पुणे आणि पुणे घाट क्षेत्रात एक-दोन ठिकाणी मध्यम स्वरूपाचा पाऊस पडण्याची शक्यता वर्तवली आहे. ४० ते ५० किलोमीटर प्रतितास वेगाने वारे वाहण्यासह मध्यम स्वरूपाचा पाऊस पडण्याची शक्यता आहे आणि हवामान खात्याने दक्षतेचा यलो अलर्ट जारी केला आहे.
हवामान खात्याने कोल्हापूर जिल्ह्यात मुसळधार पावसाची शक्यता वर्तवली आहे. येत्या २४ तासांत कोल्हापूरच्या घाटांमध्ये मुसळधार पावसाची शक्यता असल्याने ऑरेंज अलर्ट जारी करण्यात आला आहे. या काळात जिल्ह्यातील कमाल तापमान २८ अंश सेल्सिअस राहील.
सांगली जिल्ह्यात पुढील २४ तासांत मेघगर्जनेसह मुसळधार पाऊस आणि वादळांसह मध्यम स्वरूपाचा पाऊस पडण्याची शक्यता आहे. यावेळी जिल्ह्यातील कमाल तापमान २९ अंश सेल्सिअस राहील. जिल्ह्यात दिवसरात्र पाऊस सुरूच आहे. पुढील २४ तासांत ताशी ३० ते ४० किलोमीटर वेगाने वारे वाहण्याची शक्यता असल्याने हवामान विभागाने यलो अलर्ट जारी केला आहे.
