मुंबई : राज्यसभा निवडणुकीत भारतीय जनता पार्टीने महाविकास आघाडीला जोरदार धक्का दिला होता. आता भाजपाने विधान परिषदेत निवडणुकीतही माविआला धोबीपछाड दिला आहे. भाजपने राज्यसभा निवडणुकीत शिवसेना तर विधान परिषदेत काँग्रेसला दिली धोबीपछाड देत आपले पाचही उमेदवार निवडून आणले. तर राष्ट्रवादी काँग्रेस आणि शिवसेनेचे प्रत्येक दोन उमेदवार विजयी झाले आहेत. या निवडणुकीत काँग्रेसला जबरदस्त धक्का बसला असून दोन्ही उमेदवारांना पहिल्या पसंतीचा कोटा पूर्ण करता आला नाही.
भारतीय जनता पार्टीचे प्रसाद लाड आणि काँग्रेसचे उमेदवार भाई जगताप यांच्यात चुरसीची लढत होईल, असं चित्र दिसत होतं. पण प्रसाद लाड यांनी विजयी बाजी मारल्याची माहिती समोर येत आहे. याबाबतची माहिती भाजपाचे नेते आणि केंद्रीय मंत्री नारायण राणे ट्वीट करून दिली आहे. त्यांनी विजयी उमेदवार प्रसाद लाड यांना शुभेच्छा दिल्या असून देवेंद्र फडणवीस आणि चंद्रकांत पाटील यांचंही अभिनंदन केलं आहे. भाजपाला पहिल्या पसंतीची १३३ मतं मिळाली आहेत.
कुणाला किती मतदान?
प्रवीण दरेकर (भाजपा)- २९
श्रीकांत भारतीय (भाजपा)- ३०
राम शिंदे (भाजपा)- ३०
उमा खापरे (भाजपा)- २७
प्रसाद लाड (भाजपा)- २८
एकनाथ खडसे (राष्ट्रवादी)- २९
रामराजे निंबाळकर (राष्ट्रवादी)- २८
आमश्या पाडवी (शिवसेना)- २६
सचिन अहिर (शिवसेना)- २६
भाई जगताप (काँग्रेस)- २६
चंद्रकांत हंडोरे (काँग्रेस)- २२ (पराभूत)
