मुंबई : ‘पन्नाsssस खोके, खावूनपन्नाsssस खोके, खावून खावून माजले गद्दार बोके खावून माजले गद्दार बोके!’ अशा नव्या घोषणा आता विरोधकांनी बंडखोर आमदारांविरोधात देण्यास सुरुवात केली आहे. महाराष्ट्राच्या राजकारणाचं लक्ष या आंदोलनानं वेधलं.
यावेळी पुण्यात राष्ट्रवादीकडून आंदोलन केलं जातंय. यावेळी राष्ट्रवादीचे कार्यकर्ते बंडखोरांविरोधात घोषणाबाजी करताना दिसत आहेत. तर राज्य सरकारविरोधात देखील विधीमंडळाबाहेर घोषणाबाजी केली जातेय. घोषणांमध्ये गद्दाराची भाकरी भाजपची चाकरी आणि ईडीची ज्यांच्या घरी ते ईडीच्या दारी, अशाही घोषणा देण्यात आल्या आहेत.
राज्य विधिमंडळाच्या पावसाळी अधिवेशनाला 17 ऑगस्टपासून सुरुवात झाली आहे. 17 आणि 18 ऑगस्ट रोजी दोन दिवस कामकाज चालल्यानंतर सलग तीन दिवसांच्या सुट्ट्या आल्या. यानंतर आज अधिवेशनाचा तिसरा दिवस आहे. अधिवेशनाच्या दुसऱ्या दिवशी सत्ताधारी आणि विरोधकांचा जोरदार संघर्ष पाहायला मिळाला होता. आरोग्य व्यवस्था तसेच राज्यातील कायदा व सुव्यवस्थेवरुन विरोधकांनी सरकारला धारेवर धरल्याचं चित्र दुसऱ्या दिवशी पाहायला मिळालं होतं. आज राज्यातील नुकसानग्रस्त शेतकऱ्यांना मदत, रस्त्यांची दुरावस्था, राज्यातील कायदा सुव्यवस्था यासह अन्य मुद्द्यांवरुन अधिवेशनाचा तिसरा दिवसही गाजणार आहे.
राज्यात सध्या अधिवेशन सुरू आहे. यातच विरोधकांनी राज्य सरकारला विविध मुद्द्यांवरुन घेरल्याचं दिसतंय. तर वेगवेगळ्या घोषणा देखील दिल्या जात आहे. ‘पन्नाsssस खोके, खावून खावून माजले गद्दार बोके!’ ही घोषणा चांगलीच गाजल्याचं दिसतंय. याकडे राज्याचं लक्ष वेधलं गेलंय.
