मुंबई – २०१६ मधील नोटबंदीच्या निर्णयानंतर पंतप्रधान नरेंद्र मोदी हे घासलेले, संपलेले नाणे झाले आहे. हेच कारण होते म्हणून २०१९ च्या निवडणुकीच्या अगोदर भारतीय जनता पार्टीने युती करण्यासाठी माझ्यासाठी संपर्क साधला होता. शिवसेनाप्रमुख बाळासाहेब ठाकरे यांचे नाव वापरण्याशिवाय त्यांच्याकडे आता कोणताही पर्याय नाही याची त्यांना कल्पना होती. त्यामुळेच ते आता आपली ओळख मिटवण्याचा प्रयत्न करत आहेत अशी टीका माजी मुख्यमंत्री उद्धव ठाकरे यांनी केली आहे.
शिवसेनेचे धनुष्यबाण चिन्ह गोठवल्यानंतर आणि शिवसेना हे नावही न वापरण्याचे आदेश काल निवडणूक आयोगाने दिल्यानंतर ठाकरे यांनी आज शिवसेनेच्या जिल्हाधिकाऱ्यांशी संवाद साधला. व्हीडीओ कॉन्फरन्सिंगच्या माध्यमातून झालेल्या या संवादात त्यांनी थेट पंतप्रधान मोदी यांनाच लक्ष्य केले. आपला आता शेवटचा मोठा लढा सुरू असल्याचे नमूद करत आपल्याला भारतीय जनता पार्टीविरुध्द जिंकावे लागेल असे ते म्हणाले.
अगोदरही माझ्या स्वत:च्या भावासह ( राज ठाकरे) आणि बाळासाहेब ठाकरे यांच्या काही विश्वासू लोकांनी आपल्याशी विश्वासघात केला. मात्र आपण त्या सगळ्यांचा पराभव केला. आताही आपण त्यांचा (भारतीय जनता पार्टी) पराभव केला
