- पुणे-मुंबई-पुणे मार्गावर बहुतांश ट्रेन तीन दिवस विस्कळीत
- मध्य रेल्वेचा तीन दिवस “ब्लॉक’ : काही ट्रेन रद्द, काही वळवल्या
पुणे – मुंबई छत्रपती शिवाजी महाराज टर्मिनस ते भायखळादरम्यान असलेला कर्नाक ब्रिज पाडण्यात येणार आहे. मध्य रेल्वेच्या मुंबई विभागात 19 ते 21 हे तीन दिवस “ब्लॉक’ घेण्यात येणार आहे. त्यामुळे मध्य रेल्वेच्या वाहतुकीत बदल करण्यात आला आहे. पुणे-मुंबई दरम्यान दैनंदिन धावणाऱ्या सर्वच महत्त्वाच्या ट्रेन रविवारी (20 नोव्हेंबर) रद्द करण्यात आल्या आहेत. तर पुणेमार्गे दक्षिणेत जाणाऱ्या गाड्यांच्या मार्गातही बदल केला आहे.
मध्य रेल्वेच्या मुंबई विभागात लोकल लाइन, फास्ट लाइन आणि हार्बर लाइनवर छत्रपती शिवाजी महाराज टर्मिनस ते भायखळा स्थानकादरम्यान 19 ते 21 नोव्हेंबर या कालावधीत वाहतूक आणि पॉवर ब्लॉक घेण्यात येणार आहे. त्यामुळे पुणे-मुंबई मार्गासह मुंबईतून सुटून पुण्यामार्गे धावणाऱ्या 36 रेल्वे रद्द करण्यात आल्या आहेत. तर, 57 रेल्वेंच्या मार्गात बदल करण्यात आला आहे. पुणेमार्गे मुंबईला जाणाऱ्या उद्यान एक्स्प्रेस, कोयना एक्स्प्रेस, तिरुवअनंतपुरम एक्स्प्रेस, गदग एक्स्प्रेस आणि सिद्धेश्वर एक्स्प्रेस या ट्रेन 19 नोव्हेंबरला पुण्यापर्यंतच धावणार असून, 20 नोव्हेंबरला त्यांचा परतीचा प्रवास पुण्यातूनच होणार आहे.
- दि. 19 रोजी रद्द ट्रेन
पुणे-मुंबई इंटरसिटी एक्स्प्रेस
हैदराबाद-मुंबई हुसेन सागर एक्स्प्रेस
कोल्हापूर-मुंबई महालक्ष्मी एक्स्प्रेस
- दि. 20 रोजी रोजी रद्द ट्रेन
मुंबई-पुणे-मुंबई डेक्कन क्वीन
मुंबई-पुणे-मुंबई इंटरसिटी एक्स्प्रेस
मुंबई-पुणे-मुंबई डेक्कन एक्स्प्रेस
पुणे-मुंबई-पुणे सिंहगड एक्स्प्रेस
मुंबई-पुणे-मुंबई प्रगती एक्स्प्रेस
- दि. 21 रोजी रोजी रद्द ट्रेन
मुंबई-पुणे इंटरसिटी एक्स्प्रेस
