ठाकरे गटाचे प्रमुख माजी मुख्यमंत्री उद्धव ठाकरे यांच्यावर टीका करताना भाजपचे नेते आमदार नितेश राणे यांनी अपशब्दाचा वापर केला. या विधानाच्या निषेधार्थ पुण्यात तृतीयपंथी हक्क अधिकार संघर्ष समितीच्या वतीने नितेश राणे यांच्या फोटोला जोडे मारून निषेध नोंदविण्यात आला.
या आंदोलनात राज्य समन्वयक शामिभा पाटील, निकिता मुखदल यांनी सहभागी होऊन नितेश राणे यांच्या विरोधात जोरदार घोषणाबाजी देखील केली.
यावेळी तृतीपंथी हक्क समितीच्या राज्य समन्वयक शामिभा पाटील म्हणाल्या की, समाजामध्ये तृतीयपंथी व्यक्तिची एक ओळख असून आम्ही आमच्या हक्कासाठी आज देखील लढत आहे.
