भाजपच्या माजी आमदार मेधा कुलकर्णी पुन्हा नाराज

पुणे: चांदणी चौकामध्ये प्रवाशांना अनेक वर्षांपासून वाहतुक कोंडीला सामोरे जावे लागत होते. त्या वाहतूक कोंडीमधून प्रवाशांची सुटका करण्यासाठी सुसज्ज असा रस्ता आणि पुलाचे लोकार्पण उद्या होणार आहे. केंद्रीय मंत्री नितीन गडकरी, मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार आणि पालकमंत्री चंद्रकांत पाटील यांच्या उपस्थितीत होणार आहे. तर या सोहोळ्यापूर्वी नव्या वादाला सुरुवात झाली असून भाजपच्या माजी आमदार मेधा कुलकर्णी यांनी सोशल मीडियावर एक पोस्ट लिहित विद्यमान आमदार आणि पालकमंत्री चंद्रकांत पाटील यांना यातून लक्ष्य केल्याचे दिसत आहे.

भाजपच्या नेत्या मेधा कुलकर्णी यांनी पहिल्यांदाच आपली नाराजी जाहीरपणे बोलून दाखवली आहे. पुण्यातल्या चांदणी चौकचं उद्घाटन केंद्रीय रस्ते व महामार्ग विकासमंत्री नितीन गडकरी यांच्या हस्ते होणार आहे. यानिमित्ताने भाजपने मोठे होर्डींग पुण्यात लावले आहेत. हेच होर्डींग पाहता भाजपच्या माजी नेत्या मेधा कुलकर्णी यांनी आपले वेदना सांगितल्या. आणि यामुळे भाजपची अंतर्गत गटबाजी चव्हाट्यावर अली आहे. माझ्या सारख्या निष्ठावंत नेत्यांचं अस्तित्व मिटवण्याचा प्रयत्न आहे का? अशा प्रकारची पोस्ट त्यांनी ट्विटर अकाउंटवरून केली आहे.

या सर्व घडामोडी बाबत मेधा कुलकर्णी यांच्याशी संवाद साधला असता त्या म्हणाल्या की, या प्रकरणी उद्या भूमिका मांडणार असल्याचे त्यांनी सांगितले.