नवी दिल्ली, दि. १२ स्टेट बँक ऑफ इंडियाने बैंकिंग सेवांचा लाभ घेण्याची सुलभता वाढतवण्यासाठी ग्राहकांसाठी मोबाइल हैंडहेल्ड डिव्हाइस सादर करण्याची घोषणा केली आहे. एसबीआयचे अध्यक्ष दिनेश खारा यांच्या हस्ते अनावरण करण्यात आलेल्या या नावीन्यपूर्ण उपक्रमाचा उद्देश आर्थिक समावेशन सशक्त करणे आणि आवश्यक बैंकिंग सेवा जनतेपर्यंत पोहोचवणे हा आहे.
हे हातात धरण्याजोगे आणि कोठेही नेता येण्याजोगे उपकरण थेट ग्राहकांच्या दारापर्यंत किओस्क बैंकिंग आणून बैंकिंग सुलभतेत क्रांती घडवून आणण्यासाठी सज्ज आहे. हे उपकरण ग्राहक सेवा बिंदूवर काम करणाऱ्या एजंट्सना अधिक लवचिकता प्रदान करते. या उपक्रमाचा विशेषत्वाने आरोग्य समस्या असणारे ग्राहक, ज्येष्ठ नागरिक आणि दिव्यांगजन यासारख्या ग्राहक सेवा बिंदू केंद्रात पोहोचवण्यासाठी आव्हानांचा सामना करणाऱ्या ग्राहकांना फायदा होईल.
हे उपकरण त्याच्या सुरुवातीच्या टप्प्यात रोख पैसे काढणे, रोख ठेव, निधी हस्तांतरण, जमा रक्कम चौकशी आणि मिनी स्टेटमेंट या सारख्या बँकिंग सेवा प्रदान करेल. बँक लवकरच या उपकरणाद्वारे सामाजिक सुरक्षा योजनांतर्गत नावनोंदणी, खाते उघडणे, पैसे पाठवणे आणि कार्ड आधारित सेवा यासारख्या सेवांचा समावेश करून आपल्या सेवांचा विस्तार करण्याची योजना आखत आहे.
दिनेश खारा म्हणाले की, समाजातील सर्व घटकांसाठी, विशेषतः बँक खाते नसलेल्यांना, आर्थिक समावेशाच्या आकांक्षा पूर्ण करण्यासाठी बैंकिंग सुविधा उपलब्ध करून देणे हे आमचे उद्दिष्ट आहे. या नव्या उपकरणामुळे, ग्राहकांना ते जिथे असतील तेथून व्यवहार करण्याचा अनुभव मिळेल. हा तंत्रज्ञान आधारित उपक्रम आमच्या ग्राहकांना सोयीस्कर आणि घरातून बैंकिंग सेवा प्रदान करेल.
