पुणे : डेंग्यूवरची लस लवकरच बाजारात येतेय. डेंग्यूमुळे होणाऱ्या मृत्यूंवर लवकरच नियंत्रण येईल. त्याची लस पुढील वर्षी बाजारात येऊ शकते, ICMRनं ही माहिती दिलीय. पुढच्या वर्षी एप्रिलमध्ये तिस-या टप्प्यात 10 हजारांहून अधिक लोकांवर चाचणी करण्यात येणार आहे. मुलांसाठी आणि प्रौढांसाठी वेगवेगळ्या लसी असणार आहेत.
तिस-या टप्प्यात 10 हजारांहून अधिक लोकांवर या लशीची चाचणी करण्यात आली. ICMR च्या एपिडेमियोलॉजी आणि कम्युनिकेबल डिसीजच्या प्रमुख डॉ. निवेदिता गुप्ता यांनी याबाबत माहिती दिली. आयसीएमआरच्या मार्गदर्शनाखाली डेंग्यूच्या लसीवर काम सुरू असल्याचे त्यांनी सांगितले.
चाचणीच्या पहिल्या टप्प्यात डेंग्यू लसीची सुरक्षितता तपासण्यात आली. दुसऱ्या टप्प्यात लसीपासून शरीरात तयार होणाऱ्या अँटीबॉडीजची चाचणी घेण्यात आली. आता तिस-या टप्प्यात ही लस डेंग्यूवर काम करत आहे की नाही हे कळेल. देशातील 20 विविध केंद्रांवर 18 ते 80 वर्षे वयोगटातील एकूण 10 हजार लोकांवर ही चाचणी घेण्यात येणार आहे. लसीबाबत अधिक माहिती पाहूया.
कशी असेल लस?
मुलांसाठी आणि प्रौढांसाठी वेगवेगळ्या लस तयार करण्यात आल्या आहेत. प्रौढ लसीच्या दोन चाचण्या पूर्ण झाल्या आहेत. लहानग्यांच्या लसीच्या पहिल्या टप्प्याची चाचणी पूर्ण झाली आहे. डेंग्यूवर अद्याप इलाज नाही. यामुळे लस महत्त्वाची भूमिका बजावणार आहे. त्यामुळे डेंग्यूमुळे होणारे मृत्यू रोखण्यात येत्या काळात यश येणार आहे.
