होम
महाराष्ट्र
निवडणूक २०२४
सत्ताकारण
विश्लेषण
शहर
देश-विदेश
IPL
हेल्थ
अर्थभान
करिअर
राशीभविष्य
मनोरंजन
ट्रेंडिंग
विचारमंच
चतुरा
फोटो
ईपेपर
Loksatta logo
APP
My Account
ट्रेंडिंग
IPL Quiz
Election Quiz
प्रीमियम
Exam Alert Plus
नरेंद्र मोदी
शरद पवार
एकनाथ शिंदे
देवेंद्र फडणवीस
आढावा मतदारसंघांचा २०२४
Header Banner
Marathi News
Desh Videsh
Arrested After They Got Married Man And Sister In Law Commit Suicide In Police Custody Sgk
अल्पवयीन मेहुणीशी लग्न, पोलिसांनी दोघांनाही टाकलं तुरुंगात; कोठडीत मृतदेह आढळल्याने खळबळ, गावकरी म्हणतात…
या जोडप्याने आत्महत्या केल्याचं समजताच गावकरी पोलीस ठाण्यात जमा झाले. या रहिवाशांनी पोलीस ठाण्याची तोडफोड केली.
Written by क्राइम न्यूज डेस्क
Updated:
विवाहबाह्य संबंधातून हत्या झाल्याचे अनेक प्रकार उजेडात येतात. परंतु, बिहारमध्ये एक वेगळाच प्रकार उजेडात आला आहे. नुकतंच लग्न झालेल्या एका जोडप्याने पोलीस कोठडीतच आत्महत्या केली आहे. आत्महत्येचं वृत्त समजताच स्थानिक रहिवाशांनी शुक्रवारी पोलीस ठाण्यावरच हल्ला चढवला. इंडियन एक्स्प्रेसने यासंदर्भात वृत्त दिलं आहे.
तरौना गावातील एकाने आपल्या अल्पवयीन मेहुणीशी लग्न केलं. ही मेहुणी अवघ्या १४ वर्षांची आहे. आपल्या पतीने अल्पवयीन बहिणीशी लग्न केल्याचं समोर येताच पत्नीने त्यांच्याविरोधात तक्रार दाखल केली. या तक्रारीनुसार या जोडप्याला अटक करण्यात आली. परंतु, तुरुंगात गेल्यानंतर या जोडप्याने गळफास घेऊन आत्महत्या केली.
या जोडप्याने आत्महत्या केल्याचं समजताच गावकरी पोलीस ठाण्यात जमा झाले. या रहिवाशांनी पोलीस ठाण्याची तोडफोड केली. एवढंच नव्हे तर संतप्त जमावाने पोलीस ठाण्याच्या आतील इमारतीची जाळपोळ केली आणि पोलिसांवर दगडफेक केली. हिंसाचारात जखमी झालेल्या तीन पोलिसांपैकी एक असलेले अररियाचे सहाय्यक पोलिस अधीक्षक रामपुकर सिंग म्हणाले, “गावकरी पोलिसांचे म्हणणे ऐकायला तयार नव्हते आणि त्यांनी आमच्यावर हल्ला केला.” पोलिसांनी प्रत्युत्तरादाखल गोळीबार केला, ज्यात दोन जण जखमी झाले.
जोडप्याची हत्या?
परंतु, या जोडप्याचा मृत्यू आत्महत्येमुळे नाही तर पोलिसांच्या मारहाणीत झाल्याचा आरोप कुटुंबीयांनी केला आहे. अररियाचे पोलिस अधीक्षक डॉ. अमित रंजन यांनी हा दावा फेटाळून हे आत्महत्येचे प्रकरण असल्याचं सांगितलं. तसंच, पोलीस ठाण्यावर हल्ला केल्यामुळे १९ जणांना अटक केल्याचंही त्यांनी पुढे स्पष्ट केलं आहे.
