पुणे – कात्रज जुन्या घाट रस्त्याचा सरंक्षक कठडा तोडून गुरुवारी दुपारी तीन वाजण्याच्या सुमारास एक मोकळा ट्रक सुमारे शंभर फुट दरीत कोसळला. या अपघातात चालक जखमी झाला असून त्याला उपचारासाठी रुग्णालयात हलविण्यात आले आहे. विकास रसाळ (वय ३२) असे जखमी वाहनचालकाचे नाव आहे.
गुरुवारी (दि. २४) दुपारी चारच्या सुमारास काञज जुना बोगद्या अलिकडे खोल दरीत एक ट्रक ( गाडी क्रमांक एमएच १२ केपी १०७३ ) कोसळला असल्याची माहिती अग्निशमन दल नियंत्रण कक्षात मिळताच दलाकडून काञज अग्निशमन वाहन व मुख्यालयातून एक रेस्क्यु व्हॅन रवाना करण्यात आली होती. घटनास्थळी पोहोचताच जवानांनी पाहिले की, अशोक लेलैंडचा एक ट्रक खोल दरीमध्ये सूमारे दोनशे फुट अंतरावर पडला असून वाहनचालक जखमी असल्याचे नागरिकांनी सांगितले. घटनेचे गांभीर्य ओळखून जवानांनी तातडीने जखमी वाहनचालकाला उपचाराकरिता रुग्णालयात रवाना केले. हा ट्रक हा पुण्याकडून सातारा ते पुणे दिशेने जात होता.
या कामगिरीत अग्निशमन अधिकारी प्रदिप खेडेकर व तांडेल वसंत भिलारे, विजय गोसावी, वाहनचालक बंडू गोगावले, उबेद शेख फायरमन किरण पाटील, अक्षय देवकर, मयुर काटे, प्रशांत कुंभार, केतन भोईर, मंगेश खंडाळे, अक्षय शिंदे, किशोर टकले, अन्वर शेख यांनी सहभाग घेतला.
