कंबोज यांनी तक्रार मागे घेतल्यानंतर मलिक यांच्याविरुद्धचा खटला बंद

या कलमानुसार, अंतिम आदेश देण्यापूर्वी तक्रारदाराला कधीही त्याची तक्रार मागे घेण्याची परवानगी आहे, तसेच, दंडाधिकारी तक्रार मागे घेण्याच्या कारणांबाबत समाधानी असतील तर ते आरोपीची निर्दोष सुटका करू शकतात. हे न्यायालय दैनंदिन आधारावर हा खटला चालवणार आहे. तथापि, आपण खटल्याच्या दररोज होणाऱ्या सुनावणीसाठी न्यायालयात उपस्थित राहू शकत नाही. त्यामुळे, आपण मलिक यांच्याविरूद्ध दाखल केलेली तक्रार मागे घेऊ इच्छितो, असे कंबोज यांनी उपरोक्त अर्जात म्हटले होते. आपण ही तक्रार स्वेच्छेने मागे घेण्याचा निर्णय घेतला आहे आणि या संदर्भात आपल्यावर कोणताही दबाव टाकण्यात आलेला नाही किंवा जबरदस्ती करण्यात आलेली नाही, असेही कंबोज यांनी अर्जात म्हटले होते.