मुंबई : राज्याच्या पावसाळी अधिवेशनात एक खळबळजनक प्रकार समोर आला आहे. राष्ट्रवादी काँग्रेसचे आमदार रोहित पवार यांनी कृषी मंत्री माणिकराव कोकाटे यांच्यावर गंभीर आरोप करत एक व्हिडिओ सोशल मीडियावर शेअर केला. या व्हिडिओमध्ये कोकाटे विधीमंडळाच्या सभागृहात बसून मोबाईलवर ‘रमी’ खेळताना स्पष्टपणे दिसत आहेत.
या प्रकाराची दखल स्वतः उपमुख्यमंत्री देवेंद्र फडणवीस यांनी घेतली असून, त्यांनी यावर तीव्र प्रतिक्रिया दिली आहे. सभागृहाच्या शिस्तीचा भंग करणाऱ्या या कृत्यावर कारवाईचा इशाराही त्यांनी दिला आहे.
दरम्यान, या घटनेमुळे माणिकराव कोकाटे यांना कृषी मंत्री पदावरून पायउतार व्हावे लागू शकते, अशी जोरदार चर्चा राजकीय वर्तुळात सुरू झाली आहे. विरोधकांकडूनही यावर तीव्र प्रतिक्रिया उमटत असून, लोकप्रतिनिधींनी सभागृहात जबाबदारीने वर्तन करावे, अशी मागणी होत आहे.
