निवडणूक आयोग आज दुपारी ३ वाजता राष्ट्रपती निवडणुकीसंदर्भात महत्त्वाची घोषणा करणार आहे अशी माहिती मिळत आहे. राष्ट्रपती राम नाथ कोविंद यांचा कार्यकाळ येत्या 24 जुलै रोजी संपत आहे. म्हणून त्यापूर्वी पुढील राष्ट्रपतींच्या निवडणुकीसाठी निवडणूक होणे आवश्यक आहे.
संसदेच्या दोन्ही सभागृहांच्या सदस्यांव्यतिरिक्त, सर्व राज्यांच्या विधानसभांचे निवडून आलेले सदस्य, राष्ट्रीय राजधानी प्रदेश दिल्ली आणि केंद्रशासित प्रदेश पुद्दुचेरी राष्ट्रपतीपदाच्या निवडणुकीत मतदान करू शकतात.
शेवटची निवडणूक 2017 मध्ये झाली..
राज्यसभा, लोकसभा किंवा विधानसभेच्या नामनिर्देशित सदस्यांना राष्ट्रपतीपदाच्या निवडणुकीत मतदान करण्याचा अधिकार नाही. त्याचप्रमाणे राज्यांच्या विधान परिषदेच्या सदस्यांनाही राष्ट्रपतीपदाच्या निवडणुकीत भाग घेण्याचा अधिकार नाही. तर, 2017 मध्ये राष्ट्रपती निवडणुकीसाठी 17 जुलै रोजी मतदान झाले होते आणि 20 जुलै रोजी मतमोजणी झाली होती.
