मुंबई-पुणे एक्स्प्रेस व किवळे येथे सिटीवन स्कायवी बांधकाम प्रकल्पाचे बांधकाम सुरू आहे. या ठिकाणी मजुरांना कोणत्याही प्रकारची सुरक्षिततेची साधने न देता आणि कोणतीही उपाययोजना न करता फुटिंगचे काम करत असताना शनिवारी ( दि.११ ) दुपारी सव्वा दोनच्या सुमारास माती व दगडाची दरड कोसळून संदीप कोलाय बनसिंग ( वय २०,मुळ रा.कुडवा ,ठाणा सोनवा जि.पश्चिमी सिंधभुमह.सध्या रा.मुकाई चौक रावेत) याचा श्वास गुदमरुन मयत झाला असुन बुध्देश्वर, करण आणि मंगल हे तिघे मातीचे व दगडाचे दरडीखाली गाडले जावुन गंभीर जखमी झाले आहेत.

सदर ठिकाणी दुर्लक्ष आणि सुरक्षिततेच्या दृष्टीने हलगर्जीपणा केल्याने बांधकाम प्रकल्पाच्या संचालकावर सदोष मनुष्य वधाचा गुन्हा दाखल करण्यात यावा तसेच मयत मजूर व गंभीर जखमींना न्याय मिळावा अन्यथा महा विकास आघाडीच्या वतीने उपोषण करण्याचा इशारा देण्यात आला आहे.