नवी दिल्ली : आयसीआयसीआय बँकेच्या माजी सीईओ चंदा कोचर आणि त्यांचे पती दीपक कोचर यांना सीबीआयने अटक केली आहे. सीबीआयने ही कारवाई कथित कर्ज फसवणूक प्रकरणात केलेली आहे.
CBI has arrested former MD & CEO of ICICI bank Chanda Kochhar & Deepak Kochhar in the alleged ICICI bank – Videocon loan fraud case
(File Picture) pic.twitter.com/I7kmu09pjE
— ANI (@ANI) December 23, 2022
चंदा कोचर ह्या सीईओ असतांना आयसीआयसीआय बँकेने व्हिडीओकॉन ग्रुपला ३ हजार २५० कोटींचं कर्ज दिल्याचा आरोप आहे. शिवाय त्यांच्यावर अनिमिततेचा ठपका ठेवण्यात आलेला आहे.
ईडीने फेब्रुवारी २०१९ मध्ये या प्रकरणात खटला दाखल केला होता. चंदा कोचर यांच्यावर गैरव्यवहाराचा आरोप आहे. आज या प्रकरणामध्ये सीबीआयने कारवाई केलीय.
नेमकं प्रकरण काय?
२००९ आणि २०११ यादरम्यान व्हिडीओकॉन समूहाचे प्रमोटर वेणुगोपाल धूत यांना कर्ज देतांना चंदा कोचर यांनी पदाचा दुरुपयोग केल्याचा आरोप आहे. वेणुगोपाल यांनी आयसीआयसीआय बँकेकडून कर्ज घेऊन Nupower Renewables मध्ये कोट्यवधींची गुंतवणूक केल्याचाही आरोप करण्यात आलेला होता. याच प्रकरणात चंदा कोचर यांना ईडीने २०२१मध्ये अटक केली होती.
