पुणे : येरवडा मध्यवर्ती कारागृहात न्यायालयीन कैद्यांच्या (न्यायालयीन बंदी / ट्रायल प्रिझनर्स) दोन गटांत पूर्ववैमनस्यातून बेदम मारहाणीचा प्रकार घडला आहे. या भांडणात दोन न्यायालयीन कैदी जखमी झाले. हरीराम गणेश पांचाळ आणि मुसा अबू शेख अशी जखमी झालेल्या कैद्यांची नावे आहेत.
याप्रकरणी येरवडा कारागृहातील शिपाई एकनाथ गांधले यांनी येरवडा पोलिस ठाण्यात आरोपीविरोधात फिर्याद दिली आहे. त्यानुसार पोलिसांनी न्यायालयीन कैदी अर्जुन बाजीराव वाघमोडे, ओंकार नारायण गाडेकर, रोहन रामोजी शिंदे, साहील त्री लक्ष्मण म्हेत्रे, ऋषीकेश हनुमंत गडकर, शकील सय्यद यांच्यावर गुन्हा दाखल ले. करण्यात आला आहे.
कारागृहातील बरॅक क्रमांक दोनच्या जवळील हौदाजवळ शुक्रवारी (३१ मार्च) सकाळी पावणेदहा वाजता घडला. मागील वर्षी आळंदी येथे दोन गटात झालेल्या भांडणात अर्जुन वाघमोडे, ओंकार गाडेकर व इतरांना अटक करण्यात आली होती. त्यानंतर त्यांची न्यायालयीन कैदी म्हणून येरवडा कारागृहात रवानगी करण्यात येऊन किशोर विभागात त्यांना ठेवण्यात आले आहे. या विभागात इतरही न्यायालयीन कैदी बंदिस्त आहेत. हरीराम पांचाळ व मुसा अबू शेख यांच्या सोबत या आरोपीची भांडणे झाली होती. याच भांडणाचा राग मनात धरून कैदी अर्जुन वाघमोडे व इतरांनी तेथील प्लास्टिक बादली, भाजी वाढण्याचे वगराळे यांच्या सहाय्याने दोघा कैद्यांना बेदम मारहाण केली. कारागृह शिपायांना याबाबतची माहिती समजल्यावर त्यांनी पांचाळ व शेख यांना तातडीने बाजूला हलविले. जखमींवर उपचार सुरू आहेत.
