प्रसिद्ध कीर्तनकार निवृत्ती महाराज इंदुरीकर यांनी गौतमी पाटील तीन गाण्यांसाठी तीन लाख रुपये घेत असल्याचं वक्तव्य केलं. तसेच आम्ही प्रबोधनाचा कार्यक्रम करून आम्हाला संरक्षण नाही आणि तिला संरक्षण असं म्हटलं. यानंतर आता गौतमी पाटीलने इंदुरीकर महाराजांच्या वक्तव्यावर पहिली प्रतिक्रिया दिली आहे.
गौतमी पाटील म्हणाली, “मी याबाबत बोलण्यासाठी फारच लहान आहे. माझ्या कार्यक्रमाच्या आयोजकांना माझं मानधन किती आहे हे माहिती आहे. ३-४ गाण्यांसाठी ३ लाख रुपये हे जास्तच आहेत. कसं होणार, असं असेल तर लोक मला बोलावणार नाहीत.
आम्ही प्रबोधनाचं काम करून आम्हाला संरक्षण नाही पण तुम्हाला संरक्षण असतं या इंदुरीकर महाराजांच्या वक्तव्यावर गौतमी म्हणाली, “हे प्रेक्षकांचं प्रेम आहे. त्यामुळेच प्रेक्षक कार्यक्रमाला येतात, कार्यक्रम बघतात, आनंद घेतात. म्हणून गर्दी होते. तेवढं तर पाहिजेच ना. एवढी गर्दी होत असेल, तर साहजिक आहे की, मी काही संरक्षण मागणारच,” असं मत गौतमी पाटीलने व्यक्त केलं.
