पुण्यात दिवसेंदिवस गुन्हेगारीच्या घटना वाढताना दिसत आहे. शहरात पुन्हा कोयता गँग सक्रीय झाली आहे. दत्तवाडी परिसरात भर दुपारी एक तरुणावर हल्ला केल्याची घटना समोर आली आहे. ही घटना सीसीटीव्हीत कैद झाली आहे. झालेल्या या हल्ल्यात तरुण गंभीर जखमी झाला आहे. या घटनेचा थरारक व्हिडीओ सोशल माीडियावर व्हायरल होत आहे. याप्रकरणाचा तपास पुणे पोलीस करत आहेत.
दोन ते तीन जणांच्या टोळीने एका तरुणाच पाठलाग करत त्याच्यावर कोयत्याने वार केला. या हल्ल्यात तरुण गंभीर जखमी झाला असून सध्या त्याच्यावर रुग्णालयात उपचार सुरु आहेत. या घटनेमुळं परिसरात दहशतीचे वातावरण पसरले आहे. याप्रकरणी दत्तवाडी पोलीस ठाण्यात नोंद झाली असून पोलीस आरोपीचा शोध घेत आहेत.
